Արազ Օզբիլիսը դարձավ գոլի հեղինակ Օլդ-Տրաֆոլդում (վիդեո)

Երեկ կայացաց Եվրոպայի լիգայի 1/16-րդ եզրապակչի Մանչեստեր Յունայյթեդ-Այաքս խաղն ավարտվեց Այաքսի հաղթանակով` 2-1 հաշվով:

Հայաստանի հավաքականի անդամ Արազ Օզբիլիսը նախ դարձավ գոլի հեղինակ` հավասարացնելով հաշիվը, ապա տուգանայինից կատարեց գոլային փոխանցում, որից հետո հաշիվը դարձավ 2-1, հօգուտ Ամստերդամցիների: Ցավոք Այաքսին չբավականացրեց 1 գոլը հաջորդ փուլ դուրս գալու համար, քանի որ առաջին խաղում Այաքսը տանը պարտվել էր 2-0 հաշվով:  Չնայած դրան մի շարք լրատվամջոցներ Արազին ճանաչել են հանդիպման լավագույն ֆուտբոլիստ:

Հիշեցնենք, որ Արազ Օզբիլիսը հրավիրվել է Հայաստանի ազգային հավաքական Կիպրոսում` Սերբիայի ու Կանադայի հավաքականների դեմ ընկերական խաղին մասնակցելու համար:

Իսկ Մանչեստեր Յունայթեդ-Այաքս հանդիպման գոլերն ու վտանգավոր պահերը կարող եք դիտել տեսագրությամբ:

Հայաստանը Սերբիայի ու Կանադայի դեմ կխաղա Hummel մարաշապիկներով:

Արդեն տեղեկացրել էինք, որ փետրվարին կայանալիք ընկերական խաղերում Հայաստանի հավաքականը չի կարողանա ելույթ ունենալ նոր մարզահագուստով: Թեև Adidas-ի հետ պայմանագիրն արդեն կնքված է, ընկերությունը մարզաշապիկները չի կարողանա տրամադրել ապրիլ ամսից շուտ:

 

Այնպես որ մեր ընտրանին առաջիկա երկու հանդիպումներին խաղադաշտ դուրս կգա Hummel-ի իր կսրմիր-կապույտ մարզաշապիկներով: Այս մասին հաղորդում է Կիպրոս մեկնած ArmSport.am-ի թղթակիցը:

Ռոման Բերեզովսկի. Ֆուտբոլը ինձ առաջվա նման ուրախություն է պարգևում

Հայաստանի ազգային հավաքականի և Մոսկվայի «Դինամոյի» դարպասապահ Ռոման Բերեզովսկին հարցազրույց է տվել Sportbox.ru կայքին: Ներկայացնում ենք առավել հետաքրքիր հատվածները:

- Անցյալի դարպասապահներից ո՞վ է ձեր կուռքը:

 

- Տարբեր ժամանակներում, ինձ դուր էր գալիս տարբեր դարպասապահների խաղը: Լավագույններից էին’ Վան դեր Սարը և Ջանլուիջի Բուֆոնը, իսկ այժմ վատ չի խաղում Իկեր Կասիլիասը:

- Դուք արդեն 37 տարեկան եք, քանի՞ տարի եքդեռ պատրաստվում խաղալ:

 

- Չեմ ցանկանում գուշակել: Ֆուտբոլը ինձ առաջվա նման ուրախություն է պարգևում: Այնպես որ քանի դեռ ինձ դուր է գալիս’ չեմ հեռանա:

- Երբ «Խիմկին» դուրս մնաց Պրեմիեր լիգայից,դուք որոշել էիք ավարտել միջազգային 

կարիերան Հայաստանի հավաքականի կազմում: Այժմուրա՞խ եք, որ չարեցիք դա:

 

-Այո: Ես շնորհակալ եմ Հայաստանի ֆուտբոլի ֆեդերացիայի նախագահ Ռուբեն Հայրապետյանին, ով ինձ կարողացավ համոզել որոշումս փոխել: Այն ժամանակ հավաքականի արդյունքները հուսադրող չէին, սակայն այժմ ամեն ինչ այլ է:

-Առաջիկա Եվրոպայի առաջնությունում, ո՞ր հավաքականին եք երկրպագելու:

 

-Կերկրպագեմ Ռուսաստանին և Ուկրաինային: Հուսով եմ’ Եվրոյի ժամակ Ռուսաստնաի հավաքականի կազմում շատ դինամոյակններ կլինեն: Իսկ Ուկրաինայի կազմում կխաղա մեր ավագը’ Անդրեյ Վորոնինը: Հիանալի կլիներ, եթե եզրափակչում հանդիպեին նախկին ԽՍՀՄ 2 հավաքականները:

Հայաստան-Սերբիա խաղի մրցավարները հայտնի են

Ինչպես տեղեկացնում է armsport.am-ը Փետրվարի 28-ին Լիմասոլում կայանալիք Հայաստան-Սերբիա ընկերական հանդիպումը կվարի Կիպրոսը ներկայացնող մրցավարական բրիգադ’ Լեոնտիոս Տրատուի գլխավորությամբ:

38-ամյա մրցավարը միջազգային հանդիպումների զգալի փորձ ունի ու երկու անգամ վարել է հայ ֆուտբոլիստների մասնակցությամբ հանդիպումներ:

Խոսքը 2009թ. սեպտեմբերին Երևանում կայացած Հայաստանի ու Շվեյցարիայի (1:3) երիտասարդական հավաքականների միջև կայացած խաղի ու նույն տարվա հոկտեմբերին տեղի ունեցած Ավստրիա-Հայաստան (1:1) մինչև 17 տարեկանների հավաքականների հանդիպումների մասին է:

Զավեն Բադոյանը շարք կվերադառնա մեկ շաբաթից

Հայաստանի հավաքականի և Բելառուսական Բատեի կիսպաշտպան Զավեն Բադոյանը մարզման ժամանակ ցավեր է զգացել: Բժշկական հետազոտությունից հետո պարզ է դարձել, որ երիտասարդ կիսապաշտպանը կկարողանա միանալ թիմի մարզումներին մոտ մեկ շաբաթից, տեղեկացնում է բելառուսական ակումբի պաշտոնական կայքը:

Բադեյանը վնասվածքի պատճառով բաց էր թողել երկուշաբթի օրը կայացած իր թիմի` ուկրաինական «Տավրիայի» հետ ստուգողական հանդիպումը:

Ավելացնենք, որ ամենայն հավանականությամբ նա չի մասնակցի հավաքականի Կիպրոսյան հավաքին:

ՀԱՅՏՆԻ ԵՆ ՀԱՅԱՍՏԱՆԻ ՀԱՎԱՔԱԿԱՆԻ ԸՆԿԵՐԱԿԱՆ ԽԱՂԵՐԻ ՄԵԿՆԱՐԿԻ ԺԱՄԵՐԸ

Ինչպես տեղեկացնում է totalfootball.am-ը

Հայաստանի հավաքականը փետրվարի 28-ին և 29-ին Կիպրոսի ֆուտբոլի ասոցիացիայի ավանդական մրցաշարի շրջանակներում ընկերական հանդիպումներ կանցկացնի Սերբիայի և Կանադայի հավաքականների հետ:

Կիպրոսի ֆուտբոլի ասոցիացիայի պաշտոնական կայքը հրապարակել է հանդիպումների ժամանակացույցը: Հայաստանի հավաքականի առաջին խաղը Սերբիայի դեմ կկայանա փետրվարի 28-ին Երևանի ժանանակով 18:00-ին (տեղական ժամով` 16:00), իսկ փետրվարի 29-ին նախատեսված Հայաստան – Կանադա հանդիպմանը հանդիպման սկիզբը կազդարարվի Երևանի ժամանակով 21:00-ին:

Մրցաշարի մյուս խաղում փետրվարի 29-ին կմրցեն Սերբիայի և Կիպրոսի հավաքականները:

Հայաստանի հավաքականի երկու հանդիպումներն էլ կկայանան Լիմասոլի “Ցիրիոն” մարզադաշտում և կհեռարձակվեն Հանրային հեռուստատեսությամբ:

Հայաստան-Հունաստան մայիսի 31-ին

Ինչպես տեղեկացնում է totalfootball.am-ը

Ֆուտբոլի Հայաստանի հավաքականը մայիսի 31-ին ընկերական հանդիպում կանցկացնի Հունաստանի հավաքականի հետ, տեղեկացնում է Հունաստանի ֆուտբոլի ֆեդերացիայի պաշտոնական կայքը:

Խաղը կկայանա Ավստրիայի Կուֆշտայն քաղաքում:

Այս խաղը Հունաստանի հավաքականի համար վերջինը կլինի Եվրո-2012-ից առաջ:

Հիշեցնենք, որ Հայաստանն ու Հունաստանը նաև ընկերական հանդիպում էին անցկացրել Եվրո-2008-ից առաջ: Օֆենբախում կայացած խաղում գրանցվել էր 0:0 հաշվով:

Նշենք նաև, որ այս ինֆորմացիան դեռ պաշտոնական չէ, և հնարավոր են փոփոխություններ:

Էդգար Մանուչարյան. Հաջողություններ եմ ցանկանում մեր թիմին:

Ինչպես հայտնի է, Հայաստանի ազգային հավաքականի և Եկատերինբուրգի «Ուրալի» ֆուտբոլիստ Էդգար Մանուչարյանըվնասվածքի պատճառով հավաքականի չի հրավիրվել:

 

25-ամյա հարձակվողը Facebook-ի իր էջում գրել է, որ արդեն իրեն լավ է զգում և մեր թիմին հաջողություններ է մաղթում:

 

«Ինձ հիանալի եմ զգում, թե’ ֆիզիկապես, թե’ առավել ևս հոգեպես… Հաջողություններ եմ ցանկանում մեր թիմին: Հոգով ու սրտով նրանց հետ եմ, իսկ ինքս կաշխատեմ, ամեն ինչ անել, որպեսզի շուտ խաղադաշտ դուրս գամ և թիմին միշտ օգտակար լինեմ: Ես ավելի քան վստահ եմ իմ ուժերի վրա»,- նշել է Էդգարը:

 

Հիշեցնենք, որ Վարդան Մինասյանի սաները Կիպրոսում փետրվարի 28-ին ստուգողական խաղում ուժերը կչափեն Սերբիայի, իսկ փետրվարի 29-ին Կանադայի հավաքականի հետ:

 

Վարդան Մինասյանը հրապարակել է Հայաստանի ազգային հավաքականի կազմը

Այսօր Վարդան Մինասյանը հրապարակել է Հայաստանի ազգային հավաքականի ընդլայնված կազմը, որը իր ուսումնամարզական հավաքը կանցկացնի Կիպրոսում, և վերջում ընկերական հանդիպումներ կանցկացնի Սերբիայի, ապա Կանադայի ազգային հավաքականների դեմ:
Ներկայացնում ենք ձեզ հավաքականի ընդլայնված կազմը.

Դարպասապահներ

Ռոման Բերեզովսկի «Դինամո» Մ. (Ռուսաստան)
Ստեփան Ղազարյան «Բանանց»
Արսեն Պետրոսյան «Փյունիկ»
Գրիքոր Մելիքսեթյան «Փայքան» (Իրան)

Պաշտպաններ

Սարգիս Հովսեփյան «Փյունիկ»
Հրայր Մկոյան «Սպարտակ» Ն. (Ռուսաստան)
Վալերի Ալեքսանյան «Սանաթ Նավթ» (Իրան)
Լևոն Հայրապետյան «Լեխիա» (Լեհաստան)
Ռոբերտ Արզումանյան «Յագելոնիա» (Լեհաստան)
Արտակ Եդիգարյան «Փյունիկ»
Արթուր Յուսպաշյան «Փյունիկ»
Վարազդատ Հարոյան «Փյունիկ»
Հովհաննես Համբարձումյան «Բանանց»
Անդրանիկ Ոսկանյան «Միկա»
Գագիկ Դաղբաշյան «Բանանց»

Կիսապաշտպաններ

Արթուր Եդիգարյան «Փյունիկ»
Կառլեն Մկրտչյան «Մետալուրգ» Դ. (Ուկրաինա)
Գևորգ Ղազարյան «Մետալուրգ» Դ. (Ուկրաինա)
Մարկոս Պիզզելլի «Կուբան» (Ռուսաստան)
Հենրիխ Մխիթարյան «Շախտյոր» (Ուկրաինա)
Զավեն Բադոյան ԲԱՏԵ (Բելառուս)
Էդգար Մալաքյան «Փյունիկ»
Դավիթ Մանոյան «Փյունիկ»
Կամո Հովհաննիսյան «Փյունիկ»
Վալտեր Պողոսյան «Բանանց»
Մասիս Ոսկանյան «Ռոզելար» (Բելգիա)
Արաս Օզբիլիս «Այաքս» (Հոլանդիա)

Հարձակվողներ

Յուրա Մովսիսյան «Կրասնոդար» (Ռուսաստան)
Արթուր Սարկիսով «Շիննիկ» (Ռուսաստան)
Նորայր Մամեդով «Ցվոլլե» (Հոլանդիա)
Հովհաննես Հովհաննիսյան «Փյունիկ»

Վարդան Մինասյան. «Հավաքի հիմնական նպատակը հնարավորինս շատ ֆուտբոլիստների դիտարկելն է»

Փետրվարի 26-ին Հայաստանի ազգային հավաքականն իր ընդլայնված կազմով կհանգրվանի Կիպրոսի Լիմասոլ քաղաքում: Վարդան Մինասյանի գլխավորած ընտրանին կիպրոսյան ավանդական միջազգային մրցաշարի շրջանակներում է սկսում 2012 թվականի իր առաջին նախապատրաստական հավաքը: Ծրագրային մարզումներից բացի, Հայաստանի ազգային հավաքականը փետրվարի 28-ին 2012 թվականի իր առաջին ընկերական հանդիպումը կանցկացնի Սերբիայի ազգային հավաքականի հետ, իսկ փետրվարի 29-ին, ՖԻՖԱ-ի օրացույցով ընկերական հանդիպումների պաշտոնական օրը, Հայաստանի ազգային հավաքականն ընկերական հանդիպում կանցկացնի Կանադայի ազգային հավաքականի հետ:
Ինչպես նշեցինք, Հայաստանի ազգային հավաքականի գլխավոր մարզիչ Վարդան Մինասյանը Կիպրոս է հրավիրել հավաքականի ընդլայնված կազմը:
ՀՖՖ պաշտոնական կայքին տված հարցազրույցում Վարդան Մինասյանը նշել է, որ «Ընդլայնված կազմով հավաքի հիմնական նպատակը հնարավորինս շատ ֆուտբոլիստների դիտարկելն է: Կփորձարկվեն մեծ թվով ֆուտբոլիստներ երիտասասրդական հավաքականից, ովքեր հնարավորություն կստանան հանդես գալու ազգային հավաքականում: Երկու հանդիպումների ընթացքում բոլոր ֆուտբոլիստներին հնարավորություն կտրվի խաղալու»: Վարդան Մինասյանը նշել է նաեւ, որ հրապարակվող կազմը հավաքականի ընդլյանված կազմն է և հնարավոր է նրանում լինեն չնչին փոփոխություններ»: