Հայաստանի ազգային հավաքականի հարձակվող Յուրա Մովսիսյանը թեեւ ներկա չէր Ֆուտբոլի ակադեմիայում կայացած բաց մարզմանը, սակայն դրանից հետո շատ բան ուներ լրագրողներին ասելու:
-Ես նոր միացա թիմին, ասում են՝ մարզումը լավ է անցել:
-Ի՞նչ ակնկալիքներ ունեք Իտալիայի հետ խաղից:
-Իտալիայի հետ խաղում իմ կարծիքով մեր շանսերը շատ մեծ են, որովհետեւ մեր դաշտում ենք խաղում: Ստադիոնում շատ երկրպագուներ կլինեն, ինչն էլ մեզ շատ կօգնի: Շանսերը կարելի է ասել հավասար է Հայաստանում:
-Ու՞մ կառանձնացնեք մրցակցի ֆուտբոլիստներից:
— Մրցակցի կազմից ամեն մի ֆուտբոլիստի էլ կարող եմ առանձնացնել: Անհատապես՝ Բալոտելլի, Պիռլո, Բուֆոնը եւ կարող եմ բոլորին էլ թվել: Բայց ամենամեծ անունները նրանք են:
-Ուսումնասիրե՞լ եք Իտալիային որպես մրցակից:
-Մրցակիցների խաղերը միշտ էլ ուսումնասիրում ենք, Իտալիան էլ բացառություն չէ: Իտալիայի խաղերը միշտ էլ նայում ենք՝թե հավաքականի եւ թե Իտալիայի առաջնության խաղերը:
-Կադրային փոփոխությունները որակապես ինչպե՞ս կազդեն խաղի վրա:
-Ճիշտն ասած, դա այն հարց է, որին ես չէ, որ պետք է պատասխանեմ: Մարզիչն ավելի լավ կպատասխանի այդ հարցին: Բայց բոլորս էլ գիտենք, որ այն բոլոր ֆուտբոլիստները, ովքեր բացակայելու են, բոլորն էլ շատ կարեւոր են ու շատ մեծ դեր են խաղացել մեր հավաքականի համար: Սակայն այս խաղին մասնակցող ֆուտբոլիստներն էլ պետք է ապացուցեն, որ արժանի են, որ խաղան:
-Իսկ Սարգիս Հովսեփյանի բացակայությունը որքանո՞վ կազդի խաղի վրա:
-Շատ դժվար է պատասխանել, թե Սարգիս Հովսեփյանի բացակայությունը ինչպես կազդի: Բայց շատ դժվար կլինի ու շատ տարբեր, որովհետեւ նա շատ երկար տարիներ է հավաքականի հետ խաղացել: Իսկ այն ֆուտբոլիստը, ով պետք է խաղա նրա դիրքում, պետք է շատ լավ խաղա, որ պակասը չզգացվի:
-Իտալիայի պաշտպանության մասին ի՞նչ կասես:
-Հայրս ինձ միշտ մի բան է ասում. «Դու ես տղա, նա է տղա, եթե կարող ես հաղթիր»: Հուսով եմ լավ ենք խաղալու: Ես բոլոր ֆուտբոլիստներին էլ շատ եմ հարգում, սակայն խաղադաշտում զիջում չի լինելու:
-Բուլղարիայի հետ խաղի մասին ի՞նչ կասես:
-Շատ վատ էր, որ պարտվեցինք, որովհետեւ մեր թիմը ավելի լավ խաղաց: Բայց սա ֆուտբոլ է, ու մենք չկարողացանք հաղթել:
-Ռուսաստանի Պրեմիեր լիգայի լավագույն ռմբարկուներից է, որքանո՞վ է դա օգնում հավաքականում հանդես գալու համար:
-Լավագույն ռմբարկուի պարագան շատ է օգնում, որովհետեւ այդ հանգամանքը ինձ վստահոթյուն է տալիս:
-Այլ ակումբներից ստացե՞լ ես առաջարկներ:
-Ես ուրիշ ակումբների հետ պայմանագիր դեռ չեմ կնքի, որովհետեւ մեկ տարի ու կես դեռ պայմանագիր ունեմ «Կրասնոդարի» հետ, եւ հիմա դեռ ոչ մի որոշում չի կայացվի՝ ես կգնա՞մ, թե՞ կմնամ: Դեռ ոչ մի բան պարզ չէ: Տարբեր առաջարկներ եղել են, եւ իմ գործակալների հետ քննարկվում է այդ հարցը, բայց հստակ բան դեռ չկա:
ArmTeam 
You must be logged in to post a comment.