Հայաստանի հավաքականի հարձակվող Յուրա Մովսիսյանը կրասնոդարյան դերբիից հետո կարճ հարցազրույց ունեցավ Totalfootball.am-ի թղթակցի հետո, ով այժմ գտնվում է Կրասնոդարում: Բնակաբար, հարձակվողը դժգոհ էր խաղի արդյունքից:
«Շատ վատ խաղ ստացվեց մեզ համար: Նորմալից, մեր հնարավորություններից ցածր հանդես եկանք ու պարտություն կրեցինք: Ցավալի է նման պարտություն կրելը: Երկրորդ կեսում հաշվի տարբերությունը վերականգնելուց հետո արդեն ժամանակը քիչ էր խաղը փրկելու համար: Ամեն վատ հանդիպում ստացվեց մեզ համար, ճիշտ է գոլ խփեցի, սակայն, ֆուտբոլում ամենակարևորը թիմային արդյունքն է, ինչն այսօր հիասթափեցնող էր»:
Հայաստանի հավաքականում իր խաղընկեր Մարկոս Պիզելլիի հետ հակառակորդներ լինելու հանգամանքը Յուրան այսպես մեկնաբանեց.
«Այսպիսին է պրոֆեսիոնալ ֆուտբոլը հավաքականում նույն թիմից ենք, իսկ ակումբային ֆուտբոլով կարող ես մրցակիցներ լինել կամ հակառակը: Արտասովոր ոչինչ չկա»:
Յուրա նաև իր կարծիքով կիսվեց Արաս Օզբիլիզ և Դավիթ Մանոյանի տեղափոխության շուրջ:
«Լավ քայլ է, թե վատ քայլ է, ես չեմ կարող որոշել: Իրենք պետք է որոշեն. յուրաքանչյուր ֆուտբոլիստ ինքն է որոշում, ինչպես վարվել: Ամեն դեպքում, ես ուրախ եմ նրանց համար, քանի որ «Կուբանը» շատ լավ թիմ է»,- ընգծեց Յուրան:
Արդեն երկու օր անց Յուրա Մովսիսյանը կլինի Երևանում և կմիանա Հայաստանի հավաքականի հավաքին.
«Հավաքական միշտ էլ բարձր տրամադրությամբ ենք մեկնում: Իմ կարծիքով, լավ է լինելու ամեն ինչ առաջիկա ընկերական խաղում»:
Հայաստանի հավաքականի կազմում Մովսիսյանի նորամուտը տեղի է ունեցել Իրանի դեմ ընկերական խաղում, որը կայացել էր «Հրազդան» մարզադաշտում: Աշխարհի առաջնության ընտրական փուլի Իտալիայի դեմ տնային խաղից առաջ հավաքականը հնարավրություն չի ունենա «Հրազդանում» խաղալու Բելառուսի դեմ: Այս հանգամանքը չի անհանգստացնում Մովսիսյանին:
«Մեր հարկի տակ մենք միշտ էլ լավ ենք խաղացել: Չգիտեմ, թե ինչ վիճակում է հիմա «Հրազդանը», բայց հուսով եմ, որ մինչև ընտրական խաղերը պատրաստ կլինի և այնտեղ էլ հաջող հանդես կգանք»,- եզրափակեց Յուրա Մովսիսյանը:
ArmTeam 
You must be logged in to post a comment.