ТД. ԲԿՄԱ-ն ու Դինամոն հետաքրքրված են Մովսիսյանի ծառայություններով

Ինչպես տեղեկացնում է totalfootball.am-ը Հայաստանի հավաքականի և «Կրասնոդարի» հարձակվող Յուրա Մովսիսյանը մտնում է Մոսկվայի ԲԿՄԱ-ի և «Դինամոյի» հետաքրքրությունների շրջանակներում:

Ըստ «ТД»-ի տեղեկությունների, երկու մայրաքաղաքային ակումբներն էլ գոլ խփող հարձակվողի որոնումների մեջ են: Այդ կապակցությամբ մոսկովյան ակումբների ներկայացուցիչները «Կրասնոդարի» ղեկավարության հետ քննարկել են Մովսիսյանի գնելու հնարավորությունը:
«Մովսիսյանը խաղից խաղ աճում է և դա կասկած չի հարուցում: Յուրան այսօր համարվում է ռուսական առաջնության լավագույն հարձակվողներից մեկը,- «ТД»-ին ասել է ռուս գործակալներից մեկը: – ԲԿՄԱ-ն վաղուց է հետևում Յուրայի ելույթներին: Հաշվի առնելով նրանց բազմաթիվ խնդիրները հարձակման գծում, Մովսիսյանին գնելը հինալի տարբերակ կլինի: Սակայն վերջին խոսքը կմնա «Կրասնոդարի» ղեկավարությանը»:

Կրասնոդարյան ակումբում դեռևս հրաժարվում են մեկնաբանություններից.
«Յուրան արդյունավետ ֆուտբոլ է ցուցադրում և, հնարավոր է, որ շատ ակումների կողմից հետաքրքրություն կա նրա թեկնածության վերաբերյալ, հայտարարել է «Կրասնոդարի» մամուլի քարտուղար Դենիս Դանիլչենկոն: – Սակայն ակումբը դեռևս պաշտոնական առաջարկնե չի ստացել Մովսիսյանի հետ կապված»:

«Դինամոն նույնպես հետաքրքրված է Մովսիսյանով,- ասել է գործակալը: – Դան Պետրեսկուն ժամանակին ցանկանում էր «Յուրային» ձեռք բերել «Կուբանի» համար, իսկ հիմա ռումինացի մասնագետը ֆուտբոլիստին սպաում է «Դինամոյում»:

Հիշեցնենք, որ Մովսիսյանը «Կրասնոդար» է տեղափոխվել 2011 թվականի սկզբին: «Կրասնոդարում» նա 37 խաղի է մասնակցել և դարձել է 14 գոլի հեղինակ:

Կուբանը հաղթեց Վոլգային, Մարկոսը դարձավ դուբլի հեղինակ (վիդեո)

Ռուսաստանի Պրեմիեր Լիգայի 6-րդ տուրում Կրասնոդարի «Կուբանը» գոլառատ խաղում 6:2 հաշվով ջախջախեց «Վոլգային»:

Հայաստանի ազգային հավաքականի երեք ֆուտբոլիստներ մասնակցեցին այս խաղին:

«Կուբանից» ամբողջ հանդիպմանը մասնակցեց Մարկոս Պիզելլին: Նա 13-րդ ու 47-րդ րոպեներին դարձավ իր թիմի 2-րդ և 4-րդ գոլերի հեղինակը: Մարկոսը նաև դարձավ երկու գոլային փոխանցման հեղինակ: Արազ Օզբիլիզը փոխարինման մտավ 59-րդ րոպեին: Հյուրերի կազմում ամբողջ հանդիպմանը մասնակցեց Արթուր Սարկիսովը: Սարկիսովը իր թիմի համար այս խաղում վաստակեց 11-մետրանոց հարված:

«Կուբանը» այս հաղթանակից հետո 9 միավորով 8-րդ տեղում է, իսկ «Վոլգան» վաստակած երեք միավորով նախավերջին` 15-րդ տեղն է զբաղեցնում:

Յուրա Մովսիսյան. Անհամբեր սպասում եմ Մալթայի հետ խաղին

Ռուսաստանի առաջնության 6-րդ տուրում Հայաստանի հավաքականի հարձակվող Յուրա Մովսիսյանը «Կրասնոդարի» կազմում դուբլի հեղինակ դարձավ’ խփած գոլերի քանակը հասցնելով 6-ի: Չնայած Յուրան երեկ արդյունավետ խաղ ցուցադրեց, սակայն բարձր տրամադրություն չուներ, քանի որ «Ամկարի» հետ արտագնա մրցավեճում կրասնոդարցիներն, ունենալով 2 գնդակի առավելություն, միայն մեկ միավոր վաստակեցին:

— Մենք երեկ երկու միավոր կորցրինք, — armsport.am-ի հետ զրույցում ասաց Յուրա Մովսիսյանը,- հաղթանակ տոնելու շատ լավ շանսեր ունեինք, բայց չկարողացանք, ու մեզ համար շատ վատ արդյունք գրանցվեց:

— Ի՞նչը խանգարեց պահպանել շոշափելի առավելությունը:

— Եղան կոպիտ սխալներ, որոնցից մրցակիցը օգտվեց: Մեր թիմի գործած սխալներն ամենևին էլ պարտադիր չէին: Կարելի է ասել` նվեր մատուցեցինք հակառակորդ թիմին:

— Ամեն դեպքում, երկու գնդակ խփեցիր, որոնցից հատկապես գեղեցիկ ստացվեց երկրորդը, երբ կարողացար անցնել երկու խաղացողների միջոցով ու գրավել դարպասը: Ինչպե՞ս հաջողվեց ապակողմնորոշել պաշտպաններին:

— Այդ դրվագում պետք է կա’մ անցնեի նրանց, կա’մ գցեին: Անցա, թեև փորձեցին գցել, ու կոնտակտ կար, սակայն դիմացա, չընկա ու գրավեցի դարպասը: Ընդհանրապես, ընկնել չեմ սիրում ու փորձում եմ մինչեւ վերջ կանգնած մնալ:

— 6 գոլ` 6 խաղում… Բավական տպավորիչ է…

— Այս տարի ավելի լավ եմ հարմարվել թե’ «Կրասնոդարին», թե’ Ռուսաստանի Պրեմիեր լիգային: Նախորդ տարի նորամուտս նշեցի այստեղ, ու ժամանակ էր պետք լիովին մերվելու համար:

— «Կրասնոդարը» ներկայումս ընթանում է 8-րդ տեղում: Ինչպե՞ս կգնահատես մեկնարկը ու որքանո՞վ է այս հորիզոնականն արտացոլում թիմի` մեկնարկում ցուցադրած խաղը:

— Մրցաշարային աղյուսակում մեր զբաղեցրած դիրքը համապատասխանում է մեր ցուցադրած խաղին: Չէի ասի, թե պետք է ամենավերևի հատվածում լինեինք: Ստացել ենք այն, ինչ արել ենք:

— Արդեն մտածո՞ւմ ես աշխարհի 2014թ. առաջնության ընտրական փուլի մեկնարկի մասին:

— Այո’, անհամբեր սպասում եմ Մալթայի հետ խաղին: Մրցակցի մասին դեռ քիչ բան գիտեմ: Նրանց մասնակցությամբ մեկ խաղ եմ դիտել, որում խաղում էին Լատվիայի դեմ: Լավ տպավորություն թողեցին, ու չի կարելի ասել, թե հեշտ մրցակից են: Ինչ վերաբերում է Բելառուսի հետ մեր վերջին ընկերական խաղին, ապա մենք պարզապես չիրացրինք մեր գոլային պահերը, իսկ մրցակիցն իր եզակի հնարավորությունները վերածեց գոլերի: Ֆուտբոլն այդպիսին է. չես խփում, չես հաղթում:

«Շախտյորը» հաղթեց «Կարպատներին», Մխիթարյանը դարձավ գոլի հեղինակ (վիդեո)

Ուկրաինայի առաջնության 7-րդ տուրում Դոնեցկի «Շախտյորը» սեփական հարկի տակ ընդունել է Լվովի «Կարպատներին»:

Խաղի հաշիվը բացեց «հանքափորների» բրազիլացի լեգիոներԴենտինյոն, մի փոքր անց այն կրկնապատկեց վերջինիս հայրենակիցԱդրիանոն:

Հանդիպման 41-րդ րոպեին Հայաստանի ազգային հավաքականի ֆուտբոլիստ Հենրիխ Մխիթարյանըկարողացավ եզրափակել Յարոսլավ Ռակիցկու փոխանցումը՝ 3-0:

Այսպիսով, 23-ամյա ֆուտբոլիստը 7-րդ խաղում իր 11-րդ գոլը խփեց և շարունակում է միանձնյա գլխավորել Ուկրաինայի առաջնության ռմբարկուների ցուցակը:

Այս հանդիպումից հետո Միրչա Լուչեսկուի սաները 100 տոկոսանոց արդյունքով շարունակում են գլխավորել մրցաշարային աղյուսակը:

Մալթա-Հայաստան պրոմո վիդեո

Ինչպես միշտ, այս անգամ ևս ազգային հավաքականի խաղից առաջ ձեզ ենք ներկայացնում պրոմո վիդեո, նվիրված հավաքականի առաջիկա խաղին:

Սեպտեմբերի 7-ին Հայաստանի ազգային հավաքականը մեկնարկում է աշխարհի առաջնության ընտրական փուլում: Մեր հավաքականի առաջին մրցակիցը Մալթայի ազգային հավաքականն է:

Ավելացնենք, որ Մալթա-Հայաստան հանդիպումը կմեկնարկի սեպտեմբերի 7-ին ժամը 22:00-ին, և կլինի Առաջին ալիքի ուղիղ եթերում:

Հայտնի են Մալթա-Հայաստան և Բուլղարիա-Հայաստան հանդիպումների սկիզբը

Սեպտեմբերի 7-ին Հայաստանի ազգային հավաքականը մեկնարկում է ֆուտբոլի աշխարհի առաջնության ընտրական փուլում:

Մեր հավաքականը սեպտեմբերի 7-ին, մրցակցի հարկի տակ մրցելու է Մալթայի հավաքականի դեմ, իսկ սեպտեմբերի 11-ին Բուլղարիայում, Վասիլի Լևսկիի անվան ազգային մարզադաշտում Բուլղարիայի հավաքականի դեմ:

Մալթա-Հայաստան հանդիպումը կմեկնարկի Երևանի ժամանակով ժամը 22:00-ին, իսկ Բուլղարիա-Հայաստան հանդիպումը կսկսվի` 23:00-ին:

Ավելացնենք, որ այդ 2 հանդիպումները կլինեն Առաջին ալիքի ուղիղ եթերում:

Ռոբերտ Արզումանյան. Եթե հրավիրեն, ես պատրաստ կլինեմ միանալ հավաքականին

ֆուտբոլի Հայաստանի ազգային հավաքականի պաշտպան Ռոբերտ Արզումանյանն օրեր առաջ պայմանագիր կնքեց Ռուսաստանի առաջին դիվիզիոնի ներկայացուցիչ ԲՄԱ-Էներգիայի հետ:

Մինչեւ ընթացիկ մրցաշրջանի ավարտը 26-ամյա պաշտպանը վարձավճարով հանդես կգա ռուսական ակումբում: Ռոբերտ Արզումանյանի տրանսֆերային իրավունքը պատկանում է լեհական «Յագելոնիային»:

NEWS.am Sport-ի թղթակիցը զրուցել է Արզումանյանի հետ:

Ռոբերտ, շնորհավորում եմ նոր ակումբ տեղափոխվելու կապակցությամբ: Որքա՞ն ժամանակով էկնքված պայմանագիրը:

Դա վարձակալության պայմանագիր է: ԲՄԱ-Էներգիայում հանդես կգամ մինչեւ եկող տարվա մայիսի 31-ը:

Մինչեւ այս խոսվում էր, որ փորցաշրջան ես անցնում «Կրասնոդարում»: Ինչո՞ւ չտեղափոխվեցիրայնտեղ:

Մի քանի օր մարզվեցի Կրասնոդարում: Սկզբում անհանգստանում էին վնասվածքիս համար, բայց հետո ցանկանում էին ինձ ձեռք բերել թե՛ մարզիչները, թե՛ ակումբի ղեկավարությունը: Գործը հասել էր պայմանագիր ստորագրելուն, սակայն վերջում իրենց սկաուտները մարզիչին խորհուրդ տվեցին այլ ֆուտբոլիստի ձեռք բերել: Դա էր պատճառը, որ ավելի շուտ չտեղափոխվեցի ԲՄԱ-Էներգիա:

Փաստորեն, ԲՄԱ—Էներգիա վաղո՞ւց էր հետաքրքրվում քո ծառայություններով:

Այո, մեկ ամսից ավելի: Սպասում էին «Կրասնոդարի» պատասխանին:

Գո՞հ ես քո տրանսֆերից:

Այո, գոհ եմ: Հիմա ինձ համար ամենակարեւորը մշտապես խաղալն ու լավ մարզավիճակում լինելն է:

Ի՞նչ կասես ԲՄԱ-Էներգիայի մասին:

Լավ թիմ է: Մարզիչն այս ամառ գրեթե ամբողջ կազմը փոխեց: Այժմ 2-3-րդ տեղում է ընթանում: Թիմի գլխավոր նպատակը Ռուսաստանի Պրեմյեր լիգայի ուղեգիր նվաճելն է:

Ե՞րբ կարող ես խաղալ:

Այստեղ լեգիոնականների հետ կապված որոշ խնդիրներ կան: Աշխատանքի թույլատվության հարցերը պետք է լուծել: Դա մի քանի օր կտեւի:

Ե՞րբ կրկին լավ մարզավիճակում կլինես:

Մարզիչը հատուկ մարզումներ է ինձ համար անցնացնում, որպեսզի ես շուտ վերականգնվեմ: Կարելի է ասել, որ արդեն մոտավորապես 70 տոկոսով վերականգնվել եմ: Մնում է մի քանի խաղ անցկացնեմ լիովին պատրաստ լինելու համար:

Ի՞նչ ես կարծում, Հայաստանի հավաքականի առաջիկա երկու խաղերին կհրավիրվես ազգային թիմ:

Չգիտեմ: Ինձանից կախված չէ: Եթե հրավիրեն, ես պատրաստ կլինեմ միանալ հավաքականին:

Բելառուսի հետ խաղում մեր հավաքականի պաշտպանությույնը մեղմ ասած այդքան էլ լավ չխաղաց:Ո՞րն էր պատճառը:

Կարծում եմ, որ ընդհանուր կազմակերպվածությունը լավ չէր, բայց այդ խաղում կարող էինք խոշոր հաշվով հաղթանակ տանել:

Bleacher Reports. Մխիթարյանի տաղանդը ավելի շատ աճ է ունեցել, քան իր հանրաճանաչությունը

Bleacherreport.com-ը ողջ աշխարհում հայտնի է իր տարբեր տեսակի վիճակագրություններ պատրաստելով: Այս անգամ կայքը հրապարակել է 15 ֆուտբոլիստների անուններ, ովքեր դեռ այնքան էլ հայտնի չեն լայն հասարակությանը: Նրանց մեջ տեղ է գտել Հայաստանի ազգային հավաքականի եւ «Շախտյորի» կիսապաշտպան Հենրիխ Մխիթարյանը:

Ձեզ ենք ներկայացնում աշխարհով մեկ սփռված չբացահայտված ֆուտբոլիստների ցանկը, ում հարկավոր է ճանաչել:  bleacherreport.com-ի նեկայացրած ցուցակը գլխավորում է հենց մեր հայազգի ֆուտբոլիստը

(Անուն, ակումբ, տարիք, դիրք)

1. Հենրիխ Մխիթարյան — «Շախտյոր», 23, հարձակվողական կիսապաշտպան
2. Ժոյել Պոյանպալո – «Հելսինկի», 17 տ, հարձակվող
3. Կենսուկե Նագայի – «Նագոյ Գրամպուս» 23 տ, հարձակվող
4. Կիմ Բո-Կյունգ – «Կարդիֆ Սիթի», 22, հարձակվողական կիսապաշտպան
5. Մոհամեդ Սալահ – «Բազել», 20, հարձակվող
6. Էմանուել Մայուկա – «Յանգ Բոյզ», 21, հարձակվող
7. Մանուել Լանզինի – »Ռիվեր Փլեյթ», 19, հարձակվողական կիսապաշտպան
8. Խավիեր Ակուինո – «Կրուզ Ազուլ», 22, աջ հարձակվող
9. Մարկո Բուենո – «Պաչուկա», 18, հարձակվող
10. Բադեր Ալ-Մուտավա – «Նոթինգհեմ Ֆորեսթ», 27, հարձակվող
11. Վալոն Բերիշա – «Ռեդ Բուլ Զալցբուրգ», 19, հարձակվողական կիսապաշտպան
12. Համդան Ալ Կամալի – «Ալ Վահդա», 23, կենտրոնական պաշտպան
13. Անտե Վուկուսիչ – «Հայդուկ ՍպլիտՄ, 21, հարձակվող
14. Լազար Մարկովիչ – »Պարտիզան Բելգրադ», 18, հետ քաշված հարձակվող
15. Անդիկ Վերմանսյա – «Պերսեբայա 1927», 20, հարձակվողական կիսապաշտպան
16. Հենրիխ Մխիթարյանն այն եզակի ֆուտբոլիստներից է, որ շարունակել է պահպանել ընտանեկան ավանդույթները ֆուտբոլում:

    Հայկական ֆուտբոլի 23-ամյա ներկայացուցիչը ու Չեմպիոնների լիգայի մշտական մասնակից «Շախտյորի» առաջատարը մի խաղացող է, ում տաղանդը ավելի շատ աճ է ունեցել, քան իր հանրաճանաչությունը:

    Այս մրցաշրջանում նրա կարիերայում մեծ պոռթկում եղավ: Նա Ուկրաինայի առաջնության 6 խաղերում խփեց 10 գոլ ու կատարեց 4 գոլային փոխանցում՝ իր թիմին օգնելով հաղթել բոլոր 6 խաղերում ու գլխավորելով մրցաշարային աղյուսակը:

    Խաղալով «10» համարի դիրքում՝ Մխիթարյանը հարձակողական եռյակի համար փլեյմեյքերի դեր է կատարում: Նա սերտորեն համագործակցում է եզրային հարձակվողների ու կենտրոնական հարձակվողի հետ՝ բացելով տարածություններ տուգանային հրապարակում: Դա հնարավորություն է տալիս կատարել գոլային փոխանցում կամ դառնալ գոլի հեղինակ:

    Wikipedia-ում նրա էջը դիտելով՝ կտեսնենք տպավորիչ արդյունքներ, այդ թվում 8 գոլ Հայաստանի հավաքականում անցկացրած 31 խաղերում

    Եվ եթե նա շարունակի պահպանել այս մարզավիճակը, հեռու չէ այն օրը, երբ նրա անունը կթնդա Եվրոպայում:

Վալերի Ալեքսանյանը հրավիրվել է Հայաստանի ազգային հավաքական

Իրանի «Սանաթ-Նավթի» պաշտպան Վալերի Ալեքսանյանը հրավիրվել է Հայաստանի հավաքական Աշխարհի առաջնության ընտրական փուլի առաջիկա հանդիպումներին մասնակցելու համար, տեղեկացնում է Աբադան քաղաքի պաշտոնական կայքը:

 

Հիշեցնենք, որ սեպտեմբերի 7-ին Վարդան Մինասյանի սաները կհանդիպեն Մալթայի ազգային հավաքականի, իսկ սեպտեմբերի 11-ին Բուլղարիայի հավաքականի հետ:

 

Ավելացնենք, որ 27-ամյա ֆուտբոլիստը մասնակցել է «Սանաթ Նավթի» այս մրցաշրջանի բոլոր 5 հանդիպումներին, իսկ իր թիմը վաստակած 1 միավորով զբաղեցնում է նախավերջին` 17-րդ տեղը:

 

calciomercato.it. Լացիոն պատրաստ է Մխիթարյանի համար բանակցություններ սկսել 9 միլիոն եվրոյից

Իտալական calciomercato.it կայքը, գրելով «Լացիոյի» տրանսֆերտային քաղաքականության մասին, ակնարկում է, Իտալիայի առաջնությունում 4-րդ տեղը զբաղեցրած ակումբը, հնարավոր է, շուտով ձեռք բերի հայ կիսապաշտպան Հենրիխ Մխիթարյանին։

Աղբյուրը նշում է, որ ակումբը պատրաստ է բանակցություններն սկսել 9 միլիոն եվրոյից։ Նկարագրելով Մխիթարյանի խաղային հատկությունները, կայքը նշում է հայ ֆուտբոլիստի ֆանտաստիկ արագությունն ու աշխատասիրությունը, ցանկացած դիրքում հանդես գալու հմտությունն ու երկու ոտքով էլ հավասար լավ խաղալու ունակությունը։